MAL TLAT NGAM RINGTU NUNNAH LALPA A INPUANG THIN

(Pathian ropui nan chauh : Sam 4:8)

.

Rinnain Pathian thu zir turin Tamil Nadu ka pana. Coimbatore rail station ka thlenin zan dar 9pm vel a ri tawh a. Ka vawikhat kalna a ni sia, ka kalna tur te PCO atangin ka va phone thina, tuman an lo la lova.

.

Nilenga local traina ka chuan avangin leh train ah chaw eitur an zawrh lo avangin nilengin CHAW ka ei lova, ka ril a tam tan ta a. Ka Mutbu leh bag te an rit em avangin duhna lamlamah ka kal kual thei lova.

.

Platform a thutthleng pakhatah chuan riak tawh mai turin ka in buatsaih taa. Nilenga traina ka chuan avangin Bible chhiarna hun ka nei theilova, chuvangin ka Bible chu ka la chhuaka, ka chhiar ta a.

.

Chuveleh, mi pakhat hi ka bulah a rawn kala, min rawn bia a. Chupa chu Kristian, Kanyakumari lam mi, Coimbatore a Bible zir mek, zing lam dar 1am vela traina an khaw lama chhuk tur kha a lo nia. Kristian a nia tiin ka ring nghal maia.

.

Nilenga chaw ka la ei lo thu te ka sawia. Ka bag leh thilte chu minlo vensak turin ka dila, chaw eina tur Hotel ka va zawnga; Chicken biryani tui em em mai chu ka va ei taa. Tichuan tui takin rail stationah chuan ka muhil ta a.

.

Rail stationah khan Bible kha chhiar lo ilang chuan kha pa khan min rawn pan ka ring lova. Mahni chauh pawh a Isua Thuhretu kan nih ngamna zawk khan Lalpan tanpuitu min pe zawk ta niin a lang. Mal tlat ngam RINGTU NUNAH atakin Lalpa a in puang thin.

.

Thlamuang takin ka mu ang a, ka muhil bawk ang: LALPA, nangmah ngei hi a ni, mahni chauh pawha him taka mi awmtir thin hi ni. (Sam 4:8)