DAMCHHUNGIN KRAWS KAWNG KA ZAWH ZEL ANG

DAMCHHUNGIN KRAWS KAWNG KA ZAWH ZEL ANG (Mk 8:34)

I chhiar tawh a, i sawi tawh a, i sa tawh a, i la let leh theih tawh lo. I thusawi Lalpan a hriaa, a țanpui ngei ngei ang che.

Kraws kawng hi zawng a zau tawk loh a ni ang, kraws kawng hi zawng a mâm țha tawk loh a ni ang. Kraws kawng hi zawng a zawhtu an tlêm a ni ang, a reh thei em mai.

Mi huaisen, Krista pasalțha leh nusalțha te chuan an Hmangaihtu Isua hnen thlenna tur kawng dik a nih tih hriain, khawhar thlakin, reh rui țhin angin lang țhin mahse hnunglam hawi lovin an zawh zel țhin.

A bul țan ûka, a tawp thleng lo te tan chuan lawmman a awm dawn si lo va.

Lal Isua Kraws kawngah chuan, hmusitna te, diriamna te, nekchepnate, endawngna te, ngaihnepna te, sawichhiatna te, puh chhiatna te, thlauthlaknate, phatsannate, hawisannate, retheina te, mangannate, țahna te, mittui thlakna te, muttheihlohna te etc a awm țhina.

Chung zawng zawng chu kal tlangin, "KEI ZAWNG KRISTA KRAWS KAWNG KA ZAWH ZEL ANG" tiin kan sawi ngam ve ang em le ?

Chuvangin, Kraws kawng chu kan zawh tawh a, hlauhawm tam tak kan kal tlang tawh a, mi huaisente leh mi thianghlimte CHAWIMAWINA_LALLUKHUM khum ve kan tum si chuan a tawp thlengin kan zawh zel dawn lawm ni ?

Tupawhin mi zui a duh chuan, mahni hrehawm pawisa lovin, a kraws puin mi zui rawh se, Lal Isuan a ti si a.

A hrehawm chin piah lam ah Lal Isua hnung i zui zel țhin em unau ?