davidhmarministries

Mi nupui uire, a ṭhenawm nupui uire chu, a uirepa leh a uirenu chu tihhlum ngei tur a ni. (Lev 20:10) I uire tur a ni lo. (Deut 5:18) Mi nu uiretu chuan hriatna a nei lo a ni, Ama nunna tiche tûr thil a ti a ni, (Thuf 6:32) 'I uire tur a ni lo,' an ti tih in hre tawh. Kei erawh chuan, tupawh ngaih chaka hmeichhe melh apiang chu, a thinlungah a uire tawh reng a ni tih ka hrilh a che u. (Mt 5:27-28) Engavanga UIRE tih thumal hi Bible ah hian a tam em em nge ni ang ? Pathian in a huat em avangin leh a mite chu UIRE lo tura a duh vang niin a lang. Kawppui nei tawh ten mi dang an va mut pui chuan UIRE an nia. Kawppui nei tawh mutpuitu pawh UIRE a ni. Sex hi Pathian in NUPA kara hman atana a siam a ni a. A hmang diktu tan Malsawmna, a hmang diklo tan erawh sual lian tak, Pathian huat zawng tak a ni thung. Lalpan SEX a pe che a. A duh dan angin i hmang ṭhin em ? Lalpan SEX a pe che a, a siamna chhan ang ngeiin i hmang ṭhin em ? Hman dan tur diktaka hmangtute tan chuan SEX hi a mawi

I ȚAHNA MITTTUI KHAN CHATUAN LAWMNA AH A LA HRUAI LUT DAWN CHE NIA. Kawng tinrenga hreawm leh buaina tawka, lungril manganga, ngaihtuahna tinreng senga, mittui tla zawih zawih chungah hna thawktu te chuan RAH ȚHA an at in an seng țhin. Vawiin hian i kawng zawh mek bumbo deuh angin lang mahse, hlimni aiin țah ni tam zawk mahse, Lalpan i  #MITTUI  far kha a theihnghilh dawn lova, i țahna mittui te kha lawmna mittui a a chantir hunah chuan chatuan lawmna ngei chu i ta a ni tawh ang. Mittui tla chunga tuhte chuan hlim takin an at ang. Tap chungin buh chi feh chhuahpui mah sela, A buh phalte kengin hlim takin a lo haw leh ang. (Sam 126:5-6)

Buai tûrin mihring a lo piang ani zawk, (Joba 5:7) tih Bible chang hi a takin kan dai mek a ni. Thil eng emaw hlek lo thlengah hian keini mihringte hi kan buai hma thei em em țhin a. Lalpa hi a buai ve țhin ang em le ? tih zawhna hi ka rilru ah a lo lut țhin. Khawvel ram hrang hrang ațangin thil chi hrang hrang kan dil a. Khawvel mipui zawng zawng, vana mi zawng zawng, van boruaka leng zawng zawng, tuia sa zawng zawng, ramsa leh rannung zawng² te a venga, an ei tur Chaw a la ngaihtuah sak zel bawka. Lalpa hi a lo va taihma tak em! Lalpa hi al o va țha tak em ! Lalpa hi a lo va phunchhiar lo tak em ! Lalpa hian min lo va hmangaih tak em ! A hah thu a sawi kan hre ngailo. A hmangaihte enkawl te, ven te, humhim te, ngaihtuahte hi a tih tur rengah a dah a. A phunchiar ve ngai lova, a hah thu a sawi kan hre ngai lo. Chuvangin, Kei zawngin Pathian lam ka zawng ang a, Pathian hnênah ka chungthu ka kawltir ang. Lalpa a buai ve ngai si lova.........

Tin, Pilatan a hnenah, “Chu, lal i ni elo?” a ti a. Isuan, “Ni e, Lal ka ni a sin . Thutak hriattir hi ka pian chhan leh khawvela ka rawn kal chhan a ni. Tupawh thutaka mi apiangin ka thu an pawm thin,” a ti a. (Jn 18:37) A pian hma kum 700 vel ah khan Isua pian tur thu an lo puang lawk tawh a. Nula thianghlim a rai anga, fapa a hring anga, a hmingah chuan.... REMNA LAL .... tiin. Chu Lal lo piangtur chu Nula thianghlim Mari'n a hringa. Lei dan ah chuan Mistiri fapa a ni a, thlarau lam ah erawh chuan Pathian fapa a ni. A lo kal chhan ang ngeiin misual kutah man tirin a awm ta a. Khawvel lal Pilata hmaah chuan BUKNA TINRENG in an buk ta a. Chu, lal ini elaw ? tia Pilata zawhna chhangin "Ni e, Lal ka ni asin" tiin a chhang a ni. Isua hi tu te Lal nge ? Eng Lal nge ? I Lal a ni ve em ? Khawvel a i dam chhunga i Lal a nih chuan a Ropuina ram ah a la hruai ang chenga, tah chuan i Chatuan Lal a ni anga, nang erawh a UNAU i ni tawh ang. He lei ah hian i RORELTU leh Lal atan I

Lalpa chu hmu i duh em ? Pathian chu hmun tinah a awm kan ti a, engkim hria kan ti bawk si a. Mahse, han ko i la, a reh vang vang chang te a awm bawk si a. . Țhenkhat țawngțaina a chhang duh bik nge, kan biak hi a chak vak lo nge, min pui a duh vaklo ta nge, duhsak bik a nei ta nge ? Zawhna tam tak a lo lang zut zut țhin ti ru !! . Kan zawng kan zawnga, kan hmu mai thei si lo, a biru zel nge ni ang. Kan au kan auva, mahse a ngawi reng bawk si a. A aw reng reng hriat tur a awm si lo. . A hming maia kan zawn chuan, a hming maia kan țawngțai chuan, a hming maia kan au chuan, min chhang duh ngailo a lo ni. . Thinlung chanve in zawng lo ila, thinlung chanve in țawngțai tawh loh ila, thinlung chanve in i au tawh lovang u aw. . THINLUNG ZAWNG ZAWNGIN ZAWNG ILA, THINLUNG ZAWNG ZAWNGIN AU ILA, THINLUNG ZAWNG ZAWNGIN ȚAWNGȚAI BAWK ILA, tichuan Lalpa chu kan hmu dawn a ni. . Tin, mi zawng ang a, in thinlung zawng zawnga mi zawn hunah chuan mi hmu ang. (Jer 29:13)