KAWNG DIK BER ISUA

Kawng tam tak a awma, kal kualna kawng tam tak a awm bawka. Mimal duhthlanna kawng tam tak a awm bawka, KAWNG DIK AWM CHHUN ERAWH ISUA KRISTA CHAUH HI A NI (Jn 14:6)
.
Hindu te chuan kawng chi hrang hrang an zawnga, pathian pawh tam tak an neia. pathian an ngah em avangin inthawina chi hrang hrang, chi tam tak an nei bawk.
.
Pathian nung hnenah thlen theih inbeiseiin kawng chi hrang hrang an zawnga, an zawh bawka. Beiseina in kawng an zawnga, an hmuh chhunte an zawh zel bawka, mahse a tawpah THIHNA a ni zel si.
.
Khawvel mite chuan thlamuan leh hlimna zawngin kawng hrang hrang an zawh a, an kual an kuala, a changin Zu kawngah an kala, a chang in ZU INNA kawngah an kala. A changin SEX lamtluang an zawh a. A changin EIRUKNA kawngah an kala.
.
Thlamuanna leh hlimna te zawngin an kual an kuala. Hausakna leh neihnuna te zawngin an vak an vaka, mahse, tisa lamah hausaa inngaiin, thlarau lamah erawh pachhia leh rethei tak an ni si.
.
Chutiang kawngah chuan Thlarau Thianghlim a awm lova, chuatiang kawng zawhtute hnenah chuan Lalpa a kal ve ngai lova. Chutiang kawng zawhtute chuan rah duhawm tak an seng ngai lo.
.
Kawng zawng zawnga KAWNG DIK BER chu Lal Isua hi a ni a. (Jn 14:6) Chu kawng dik bera kalte chu Thlarau Thianghlimin a kalsan ngai lova. Chu kawng dik bera kalte hnenah chuan Lalpa thlarau a kal ve zel bawk ṭhina.
.
Chuvangin, an nun a hlim bika, an hah a dam bika, a nun a awhawm bika, an nun a hrisel bika, thlarau lamah an hausa bik em em mai a ni.