ENG NGE I TALENT ? ENGZAT NGE I DAWN ?

Bawi pakhat hnenah talent nga a pe a, bawi dang hnenah talent hnih a pe a, bawi dang hnenah talent khat a pe a; an tih theih tawk tur ang zel theuhvin a pe a; tichuan a kal ta a. (Mt 25:15)

Mi pathum hnenah Lalpan talent a pe a. A hmasa ber hnenah chuan ralent panga a pe a. A dawt leh hnenah chuan pahnih a pe a. A pathumna hnenah erawh chuan pakhat chauh a pe a.

Tichuan talent nga dawngtu chuan talent dang a va thawk chhuaka, talent hnih dawngtu pawn talent hnih dang a va thawkchhuak bawk a. Talent khat dawngtu erawh chuan talentkhat mah a thawk chhuak ve lova.

Lalpan talent a pe țheuh a, a mihring a zirin nge, an thiam dan a zirin nge ni ang, a pek dan erawh a in ang vek lo. Pakhatin panga, a dawt leh in pahnih, a pathumna chuan pakhat. An tihpun thei dan tur ang tawk zelin Lalpan a talent chu a pe hlawma.

Lalpan eng talent nge a pek che ? Engzat nge talent i dawn ve ?

Țawngțai talent te, Bible chhiar talent te, music talent te, khuangvuak talent te, zaipawl talent te, conductor talent te, pastor talent te, upa talent te, chairman talent te,

Secretary talent te, zai talent te, ei rawngbawl talent te, committee talent te, hruaitu talent te, counselling talent te etc Lalpan mi a pe țhin.

I talent dawnte lawm takin i pawma, i thawka, i hlen chuan i chungah Lalpa a lawm ngei ngei ang.

Talent khat dawngtu khan a talent dawn kha a dah țha daih a. A buaipui lova, a hmang țangkai bawklo. "Nakin ah" tiin a sawi zel țhin niin a langa.

Inkhawm ila,... nakin ah.
Țawngțai ila, nakin ah le...
Hla zir i la, nakin ah le...
Hnatlang ila, ni dangah le...

Khi tiang ang khian sawmna i lo hnar țhin em ? I talent tih pun nangmah in i thiamlo a nih pawh in, mi dangte sawmna erawh hnar tawh lo la.

A sawmtu che leh i țhiante kal tlangin Lalpan talent ropui tak a pek che kha a let tam takin i ti pung thei a sin.

Chuvangin, talent khat dawngtu ang dinhmuna kan din loh nan hawh u, KAN TALENT DAWN TE LALPA ROPUI NAN I TI PUNG ANG U.