KA IN PUANNA TAWI, PATHIAN ROPUI NAN

Tupawh tlemte chunga rinawm chu tam tak chungah pawh a rinawm țhin; tupawh tlemte chunga rinawm lo chu tam tak chungah pawh a rinawm lo țhin a ni. (LK 16:10)

Control buhfai ei țhin, dista paper țhui chawp te leh lunglehkha te hmanga lehkha zir ve țhin. Sikul țha ah pawh lut ngailo kha ka ni a.

Nalh tak taka in chei a mi'n bazar lam te, khawpui lam te an pan sup sup laiin Chite lui kam te hrutin nilengin hna kan thawk a. Cubic lung te kan thiar a, mi huan ah te, mi lo ah te hna kan thawk a.


Mi pangpar huanah te, humpipe phumna tur lei laihna ah te ka in hlawh țhin a. Bible zir tura ka kal man tur tuakin ramhnuai ah hna hawkin ka riak ve a. Mi zawng zawngin ka kalna tur an hre si lo.

Aizawl khawpui chhungah In sakna ah te ka in hlawk țhin bawk a. Rawra chawk hahthlak zia chu vawiin thlengin ka la theihnghilh lo. Zuk leh hmuam ti ngai lo tan chuan chawlh hun hi a reilo bik riau țhina hriatna ka nei a.

Meizial zu țhin te chuan tluan khat kha muang changin an han zu a, an zuk zo hma chuan a ruaitu te mitmei ven vak a ngai lova. A zu ngailo te erawh thawk leh thuai tura beiseina mit mei a awm țhin niin a lang țhin si a. A hahthlak thei ngawt mai.

Tupawh tlemte chunga rinawm chu tam tak chungah pawh a rinawm thin tih thu hi ka rilru ah a riak ve deuh reng țhin a. Ka hna thawhna te chu ka bum thei a, mahse a ruka min hmu tu Lalpa erawh ka bum thei si lova.

Chuvangin, rinawm taka hna thawk zel mai kha ka chanvo a ni tih ka hria a, rinawm taka hna ka thawk phawt chuan ka dinhmun pangai ah hian Lalpan min țhutir reng dawn lo tih ka ringa. A rinawm thei ang bera hna thawk zel chu ka tum ta a.

Tlemte chungah ka rinawmna leh ka hna thawh rah kha vawiin ni ah hian Lalpan min seng tir ta niin ka hriaa. Hmân a mi leivung leh balu thiar țhin khan, mi pangpar khawi na tur leițha thiar țhin khan, keimahni thlai chinna tur ngei mai lei țha chu ka thiar ve ta a ni.

Chhiartu te u, hei hi ka ngen duh a che u. Hlawhfa in chhawr chuan in chhawrte chanchin kha hriat sak lo tum teh u. A sur a sa hnuai ah hna thawh chak ngawih ngawih avangin tuman hna an thawk lo.

Eng vanga inhlawhna tur zawng nge an ni a, eng ang chhungkua nge an ni a, eng nge an thil tum ? Vawiin ni a i hlawhfa chhawr țhen khat te kha naktuka Pastor tur te, missionary tur te, doctor tur te, CM tur te, minister tur te, teacher tur te, engineer tur te an la ni thei a ni tih hria la, kawngkhat tal in lo pui ta che.

Mi tupawh kan din hmun pang ngai ah kan ding reng thei lo. Hausa fa ten darkar khata an thlen mai theina ah khan rethei fa te chuan darkar 3 tal beih țal țala kal a ngai țhin a ni a. 

Keimah anga hna thawk ve țhin tam tak kan group ah hian kan awm ka ringa. Hna thawh kha hre suh la, a rah i la seng dawn tih ring la, rinawm takin thawk la. Lalpan a la chawimawi dawn che ni a.


Pic hi Nagaona kan thlai chinna tur lei țha ka thiar chho lai thla a ni a, tehkhina tura ka hman duh avangin ka rawn pho chhuak ve tawp a ni a. Min lo hrethiam dawn ni a.