KHAWNGAIH TAKIN MI THAT LUL SUH ANG CHE AW
Nupa karah min SEX an hman chuan a mawi em em mai a. Nupa tuak thar te phei chuan nau pai thuai thuai te an chak ṭhin.
Mahse, a hmanna tur diktak ah mi'n SEX a hman lo chuan Pathian mithmu ah SUAL TENAWM TAK a ni ṭhin. A hmanna dik takah min hmang lova nau an pai chuan an fate pawh SAWN FA tia ko an ni ṭhin.
Engpawh nise, i nupui ni lo emaw, i pasal ni lo nen SEX in hmanga, nau i lo pai ta a nih pawh in TI TLA reng reng suh. Tualthat nen a in ang reng a nia.
Hmeichhia i mut puia, a lo rai a, nau a pai chuan TI TLA TURIN ti reng reng suh. I fa a ni a, i fapa/fanu I THAT MAI DAWN TIHNA EM NI ? I chhungte mi'n that ta se i dem ang em ? I haw ngawt ang ti raw ? Tualthat i huat si chuan I FANU/FAPA chu engngati nge thah i tum ?
Sawn thlak emaw, sawn pai emaw i hlau a ni mai thei e. Mualpho i hlau pawh a ni mai thei e. Mahse, hei hi i hriat ka duh... Mihring mithmuha mualpho hlauh ai chuan PATHIAN RORELNA HMAA MUALPHO A RAPTHLAK ZAWK DAWN ! tih hi.
Chuvangin chhiartu duhtak, a ruka nau pai mek emaw, sawn pai mek emaw, sawn thlak mek kan awm chuan hei hi ka thurawn che nise.... I pai tawh a, i nau pai kha mihring a ni tawh a. I tih tlak chuan Tualthat i ni dawna. Chu chu Pathian mit hmu ah sual lian tak a ni. Tualthatu te chu hremhmun ah an la paih dawn a sin ! (thup 22:15)
Lo ti tla ta la, Mihringin hre lo mahse, engkim hmu tu Pathian chuan a hmu dawn si che a. A thinrim na leh a thinurna tui pawlhloh thlengin i chungah a rawn lei baw thei a nia.
Chuvangin, nupa kar lova nau i pai chuan huaisen takin pai tlang la, huaisen takin fa hring turin in buatsaih la. Huaisen takin nausen pawm turin in buatsaih la, huaisen takin naupang enkawl leh chawm turin inbuatsaih la. Chu chu Pathian lawm zawng tak niin a lang.
I pai mek naupang kha rawn ṭawngchhuak thei selang chuan hetiang hian a ngen mawlh mawlh ngei ang che. "KA NU, KA PA, KHAWNGAIH TAKIN MIN THAT LUL SUH AW" tiin.
Comments
Post a Comment