KAN DIL MIN PEK LOH CHHAN

.
Mipa Naupang kum 3 mi chuan a Pa chemte hman lai chu hman ve a chak em ema, tichuan a Pa hnenah a dil ta a, mahse a Pa'n a pe duh lova, a pe phal lo bawk.

Țap chunga a dil pawh in a pe phal chuang lova. Darkar khat țap chunga a dil pawhin a pe phal chuang lo.

Ngatinge a pek mai loh? Mipa naupang tan chuan CHEMTE hriam tak kha thil hlauh awm tak a ni a. A Pa khan pe ta se, naupang mai a la ni si a, chemte hriam tak chuan a taksa emaw a zai anga, hliam a tuar anga, a țap bawk anga. A nu leh pa te an buaiphah bawk ang.

Kum 18 a tlin hunah erawh chuan Chemte mai ni lovin, CHEMPUI a pe anga, hriam taka tah hriam ngei chu a fapa a pe ang.

Lo vah nan chem bil tak aiin Hriam tak kha a fapa in a mamawh tawh tih a Pa chuan a hria a. Chuvangin, chemte mai ni lovin Chempui hriam tak mai chu a hna thawh na turin a Pa chuan a pe ang.

Kan tana ṭha tur, kan mamawh kan dil chuan kan duh hunah ni lovin kan mamawh hun ah Lalpan min pe ṭhin.

Duh duh kan dil thei a, mahse a hun leh a hmun a zirin, kan mamawh dan a zirin Lalpan kan țawngțaina hi YES or No or Later tiin min chang ṭhin a ni.

In chak a, in nei si lo va: tual in that a, in awt a, in nei thei si lo va: in inhnial a, in indo va;

In dil loh avangin in nei lo va; in dil a, in dil dik loh avangin in hmu lo, in nawmsak nan hman in tum si a.
(Jak 4:2-3)