davidhmarministries

Tupawh mahni kraws pua mi zui lo apiang chu ka zirtir a ni thei lo vang. (Lk 14:27) tiin Lal Isuan a sawi a. Mi dang kraws ni lova mahni kraws pua amah zui zel turin Lalpan min zirtir a. Chuvangin, mi dang en a ngailova, a țul lova, mi dang en a țangkai bawk lo. Isua hnung zui hi nangman țha i tih chuan zui tawp mai la, mi dang avangin in tibuai miah suh aw. Kraws chi hrang hrang pu a Isua hnung kan zuina tur țhenkhat te : Mahni inkhawngaihna kraws te,                               Mahni thiam lo na kraws te, Mahni chaklo na kraws te, Mahni tisa chakna kraws te, Mahni insitna kraws te, Mahni nupui/pasal te kraws te, Mahni fate kraws te, Mahni chhungkaw kraws te, Mahni țhiante kraws te, Mahni thinchhiatna kraws te, Mahni thu duhna kraws te, Mahni țha in tihna kraws te, Mahni induhtawkna kraws te, Mahni retheina kraws te, Mahni beidawnna kraws te, Mahni rilru hahna kraws te, Mahni thatchhiatna kraws te pua, nitina a hnung zui zel turin Lalpan min sawm a ni. Khing lo pawh

Isua lam a en chhung chuan tui chungah Petera chu a kal thei mai a, mahse Isua lam en lova khawvel tuifawn a en chuan a pil dawn ta mai si a. Isua lam a en leh vata, Lalpa a auva, Isuan a chhanhim leh ta a ni. ISUA LAM EN CHU KHAWVEL TUIPUI FAWN LEH RAPTHLAK TAK AṬANGA CHHANDAMNA NI TIH A LANG CHIANG HLE. Isua en chung zelin Puithiam lalber in hual chhung kawtlai thlengin kha mi zan khan ava kal ve a. Reilote hnu ah khawvel lalte leh mi dangte hmaah a Lalpa chu a phatsan a. Mahse, Isua lam a en leh a, Lalpan a sualna a ngaidama, a zitirte zinga hming langsar ber leh hruiatu ropui ber anga sawi ngam a lo ni ta a ni. KHAWVEL MITE HMAAH LALPA PHATSAN ṬHIN MAH ILA, SIMNA THINLUNG DIKTAK NENA A LAM KAN HAWI LEH CHUAN KAN SUALTE NGAIDAM TURIN KAN LALPA HI A RINAWM TAWK A NI TIH A LANG CHIANG HLE. A thawnthu an sawi dan chuan Petera chu a tlan chhiaa. Mahse, kawngah Isuan a lo tawka. Khawpui ah chuan a haw/lut leh ta a. "Ka Lalpa anga khaikhan chu ka phu lova, kei chu a letl

Tehkhinthu an sawi ka hriaa. Mi tute emaw Sumdawng ho hian an bungrua phura ke a an kal mek laiin an hnung lam aṭangin Truck a rawn kala, an lo phar a. Truck chhungah chuan an lut ta a. An kal tumna khua an thlen chuan an chhuk ta a. Driver ten an han hmuh chuan kawngtluanin an bungrua te kha an lo phur char char a lo nia. Hahdam takin an tum ram an phur thleng emaw Driver ten an tih laiin an ni Sumdawng ho chuan Truck hnunga chuan a hahthlak dan leh a hrehawm dan an sawi chamchi ta zawk a ni awm a !!! Truck chhuatah khan an phurrit nghahna chang hria selang chuan hahdam takin an awm anga, hah miah lovin an tum ram an thleng mai tur kha a ni a. Truck khan an bungrua phursak kha a duh a, an phurrit zawng zawng amah (Truck) ah nghat vek turin a duh a. An phurrit te kha chhawk zangkai a tuma, mahse,, sumdawngho chuan an phurrit nghahna chang an hre si lova !!! Eng phurrit nge keini RINGTU te hian phur ve le ? Eng phurrit nge ni tina kan PHUR hlawm le ? Thlarau bo phurrit nge, z

A hrechiang lo tu ten rinmai harsa an ti ṭhin. Amah nena inzawmna tak tak neih loh tu te pawn rin mai harsa an ti bawk ṭhin. Setana chuan, Pathian thiltihtheihna kan rin tur hi a phal lova, Chuvângin, misual saa piang mihring chuan Lalpa rin mai hi harsa a ti fo ṭhin. Chuvangin, Lal Isuan, "Pathian ring mai rawh. A pe mai ang che. A tidam mai ang che. A ṭanpui mai ang che. A chhandam mai ang che. A venghim zel mai ang che. A chawm zel mai ang che" tiin a sawi niin a lang. Unau duhtak, hlau suh la, ringhlel suh la, LAL ISUA TING MAI RAWH. Chu chu chatuan thleng a i damna tur a ni si a.

A hun leh ni, darkar tuman kan sawi thei lovang. Amaherawh chu, Lal Isua thusawi ngun taka kan ngaihtuah chuan kan thi hun tur kan hre ve thei dawn niin a lang. Johana 14:1 aṭang khan chhiar ila, Van ah a chho anga, kan tan In min sak sak anga, a sak zawh ah min hruai turin a lo kal leh dawn tih thu a sawi kan hmu ang. Kan tan hmun a buatsaih zawh hunah a vantirhkohte rawn tir in kumkhuaa a hnena cheng ve tawh turin min la rawn hruai ve dawn a ni. Engpawh nise, min rawn hruai hun tur hi kan hre dawn lova. Chuvangin, engtik lai pawh a VAN KOHNA chhang thut vek thei kan ni tih hria in kan Nitin Nun danah te hian i fimkhur leh zual ang u. Keini zawng van khua leh tui kan ni si a, van atanga min chhandamtu Lal Isua Krista lo kal tur chu nghakhlel takin ka thlir a ni. (Phi 3:20)

Tu hming pawh Nunna Bua ziak an hmuh loh chuan mei dilah an paih bawk a. (Thup 20:15) Bible aṭanga chiang em em mai chu hei hi a ni. Vanah khian Lehkhabu pahnih a awma. Pakhat chu Nunna Lehkhabu, a dang leh chu Diary. Nunna Lehkhabuah chuan Isua ringtute hming an ziaka. Diary ah chuan kan Ni tin hnathawh dan an ziak thung. Chumi Diary-a kan thil tih ang zel chuan nakinah Lalpan ro min la rel sak dawn a ni. Nunna Bua hming awmlote chu Mei dil ah an paih dawna. Chutih hunah chuan khawngaihna a awm tawh lovanga, sual sim pawh in awm zia a nei tawh lovang. Isua ringtute tan lawmna vawrtawp a ni anga, Isua ringduh lova mahni tisa chakna anga hun hmang zawktu te tan erawh a rapthlak ngawt ang. Mei Dilah chuan khawngaihna tel miah lovin an paih tawh dawn si a. Tah chuan, lungngaihna, ṭahna. manganna, beidawnna, thlaphanna, natna tinreng chu an ta a ni dawn si a. Thih an chak anga, thihna an zawng anga, mahse an hmu dawn si lova. Unau duhtak, tun hi hunlawmawm chu a ni a, tun hi

Tin, Abrahaman a kutin a ban a, a fapa tihhlum nân chemtê chu a la a. Tin, LALPA vântirhkoh chuan vân atangin amah chu a zuk au va, "Abrahama, Abrahama," a zuk ti a: tin, ani chuan, "Heta hi ka awm," a ti a. (Gen 22:10-11) A ro khawmtu tur Lalpan fapa a pe a, chu a fapa neihchhun chu a hnena pe let leh turin Lalpan Abrahama chu a phut a. Lalpa tan Abrahama chuan a Fapa duh ber, a in nghahna awm chhun chu pek let leh a hre lova, LALPA TAN A FAPA A HLAN NGAM A NI. A hlan ngam tak tak tih a hriatin, a pe ngam tak tak tih Lalpan a hriat ve leh, Abrahama chu Lalpan a fapa a pe let leh ngama, a pe let leh ta bawk a. Lalpa tana CHAN NGAMTE HIAN AN CHAN KHER LO. A chan ngamte pe let leh ngamtu Lalpa a awma, an CHAN NGAM POH LEH, AN DAWNG HNEM LEH ZEL ZAWK NIIN A LANG. LALPAN TAN I CHAN NGAM VE ANG U. LALPA TAN KAN THIL NEIH CHHUNTE, KAN RO HLU TE I CHAN NGAM VE ANG U.

Hrilhlawkna chi hrang hrang a awma, chung zawng zawngah chuan "VAIVUTAH I KIR LEH TUR A NI" tih hi mi zawng zawng tana lo thleng ngei ngei tur a ni. Kan chak vang a ni lova, kan duh vang pawh a ni lo. Kan chak lo vang pawh a ni dawn lo. Kan hlau emaw, kan hlau lo avang pawh a ni dawn lo. Vaivuta kan kir leh tur thu chiah hi huaisen taka mi zawng zawngin kan sawilawk/hrilhlawk thei awm chhun niin a lang. Chuvangin, VAWIIN HIAN VAIVUT KAN NI A, VAIVUTA KIR LEH MAI TURA KAN INSIAM FEL A NGAI A NI. Kan inring emaw, ringlo emaw, in ready emaw, in ready lo emaw, THIHNA CHU KAN CHUNGAH A LO LA THLENG DAWN THO THO. Chuvangin, thihna hmachhawn dan tur zawk hi kan zir a ngai a ni.

Kan hmangaihte lenna khua chu thingtlang, current pawh lut lo, ke a nilenga kal ngai pawh nise, chu khua chuan kan lung a lenna, chu khaw lam chu kan chhingmit hian a thlir a thlir ṭhin. Kan Pian leh murna khua na na na chu tupawh in kan dem phallo. Nuam kan ti a, kan ngai a, chu khaw lam hawi chuan kan lung a leng fova. Krismas dawn ah pawh thlen hman lo hlauvin kan phi ruai fo ṭhin. Engvangin nge kan khua kan ngaih ṭhin ? Awlsamte in kan chhang thei vek ang. Kan khua chu kan TA a ni a, kan pianna, kan seilen na, kan tualchaina hmun, kan NU leh Pate chenna khua a nih avangin ti ila kan sawisual awm love. Vanram khi i ngai ṭhin em ? Vanram ah khian awm i chak tawh em ? Vanram kal thuai thuai i chak tawh em ? Rilṭam, tuihal, nat, ṭah, lungngaih, mangan etc reng reng awm tawh lo na ah khian I KAL CHAK TAWH EM ? Thlarauva piang tawh te tan chuan khi VANRAM khi kan khua a ni a. Khi VANRAM khi kan PA ram, kan Chhandamtu Isua Lalna ram, kan tana IN ROPUI TAK min sak sakna ram a

Misualte hremna tur Hremhmun chanchin sawi hi niin ka hria. Misualte thlarau chu hremhmunah an paih dawn si a. Isua ring duh lova setana ring zawkte chu HREMHMUN ah an la kal dawn. Hun ṭha leh hun lawmawm, Chhandamna Ni Lalpan min la pek lai pawh a Isua ring duh chuang lova, a thu zawm duh lo tu te chu he meipui rapthlak tak mai hian a la kang dawn a ni. Mahse, an thi thei dawn si lo a. Chutak chu ni, meidil rapthlak dan tur chu..... Thih an chak anga, an zawng bawk ang. Mahse, thih thumna a awm dawn si lo. Chatuan chatuan a meidila han awm tur chu a nep dawn lo. Khaw lum ah kan awma, a lum ziah kan sawi kan sawi ṭhin. Khawlumah chuan Current te a la awma, fan te, tui vawt te pawh a la awma. Tui vawtin kan la inbual thei a. Mahse, Meidil ah chuan tuisik farkhat te mah pawh hmuh tur a awm dawn si lo. Current a awm dawn lova, fan leh tui reng reng a awm dawn lo. Mi tam tak an inchhir ang. Mahse, meidila inchhirna chuan awm zia a nei tawh dawn si lo. Medil aṭangin Pathian a

Nimahsela tuna chuan a thi ta si a, engah nge chaw ka nghei tawh ang? Ka ko kir leh thei dawn em ni? A hnênah keimah hi ka kal ang a, nimahsela ani zawng ka hneh a lo kir leh tawh lo vang," a ti a. (II Sam 12:23) A fapa damlo tan chaw a ngheia, a fapa chu a thi dawn tih a hre reng. Mahse, Pathianin a tum a tidanglam mahna tiin Chaw ngheiin Pathian a buana, mahse a buan tlu zo chuang lova. A Fapa duhlai tak chu a thi ta ! Tichuan Pathian Mi Davida chu lei ata chu a tho va, a insil a, hriak a inthih a, a puante a inthlak a; tin, LALPA inah a kal a, Pathian chibai a bûk a; tin, a in lamah a kal leh a, tin, chaw a han lam a, ahmaah chuan an hlui a, a lo ei ta a. Lal Davida khan a Fapa a ngai ngawt ang. Mahse, lei lam en lovin chunglam a en zawk a, thihna chuan a hneh lova, thihna chu a hneh ta zawk a ni. Hei hi Pathian Mi ten THIHNA kan ngam dan tur dik tak niin a lang. Ni tinin mithianghlim ten Van Khawpui an pan a, misualte pawh in hremhmun rapthlak tak an pan bawka. KE