I NGAI ṬHIN EM VANRAM KHI ?


Kan hmangaihte lenna khua chu thingtlang, current pawh lut lo, ke a nilenga kal ngai pawh nise, chu khua chuan kan lung a lenna, chu khaw lam chu kan chhingmit hian a thlir a thlir ṭhin.
Kan Pian leh murna khua na na na chu tupawh in kan dem phallo. Nuam kan ti a, kan ngai a, chu khaw lam hawi chuan kan lung a leng fova. Krismas dawn ah pawh thlen hman lo hlauvin kan phi ruai fo ṭhin.
Engvangin nge kan khua kan ngaih ṭhin ? Awlsamte in kan chhang thei vek ang. Kan khua chu kan TA a ni a, kan pianna, kan seilen na, kan tualchaina hmun, kan NU leh Pate chenna khua a nih avangin ti ila kan sawisual awm love.
Vanram khi i ngai ṭhin em ? Vanram ah khian awm i chak tawh em ? Vanram kal thuai thuai i chak tawh em ? Rilṭam, tuihal, nat, ṭah, lungngaih, mangan etc reng reng awm tawh lo na ah khian I KAL CHAK TAWH EM ?
Thlarauva piang tawh te tan chuan khi VANRAM khi kan khua a ni a. Khi VANRAM khi kan PA ram, kan Chhandamtu Isua Lalna ram, kan tana IN ROPUI TAK min sak sakna ram a ni a. Chu hmun ropui ber mai chu A NEITU kan ni. LALPA CHU FAKIN AWM RAWH SE.
Chuvangin, kei chu, khi ram khian ka lung min len ṭhina, khi VANRAM khian ka lei lungngaih leh ṭahlai te hi min HNEM fo ṭhin. Mahni duhthu a kal thei chu nise, kal thuai thuai ka chak fo ṭhin.
He leia hreawm tamtak tawrh fo ai chuan tiin vawikhat chu 2007 khan Pathian hnenah thi ka dila. Mahse, rem a ti lo, a dil aṭanga nithumna velah min TIDAM leh daih !!!
Lusun ni a kan sak ṭhin HLA te, khawhar Ina kan sak ṭhin HLA te hian VANRAM khi min ngaihzual tir ṭhin. 'Khawhar hla' tiin ṭhenkhat chuan an sawi ṭhin niin ka hriaa. Mahse, kei chuan heng hla te hi "VANRAM NGAIH HLA" an ni ka ti.
Heng hla te kan sak hian kan thlarau leh VANRAM khi a inzawm tlata, kan chatuan hmun tur min thlir tira, kan thi huna kan kal ve na tur min beisei thar tir leh ṭhin. Chuvangin, lusun leh khawhar Ina Pathian faknan a kut ben leh lam hi a inhmeh ngawih ngawih niin ka hria.
"KHI VAN CHANCHIN KHI KA HRE TAWH
ISUA MITE'N AN HMU DAWN A NI"
A hmutu tur zingah i tel ve ang em ?

Comments

Post a Comment

Popular posts from this blog

THIHCHILH NUN HMANGAIHNA

Image
Samsona chuan Philistia ho hi kan thihchilh teh ang a tia. Chutichuan a dam laia a tihhlumte ai chuan a thihchilhte chu an tam zawk (Ror 16 :30) Hmangaihna avangin Philistia te kha a thihchilh lova, phuba lak nan zawk ani a thihchilh ni. Lal Isua erawh chuan min hmangaih a, min chan loh hlauvin, kan tan Kraws ah a tuara, min hmangaih em avangin min rawn thihchilh tawp mai a ni. Muslim helpawl te chuan mi dang an thihchilh țhina, an tan sawtna pakhat mah a awm lova, hremhmun ah an in barh lut ta zawk țhin a. Chutianga thi te chu Martyr ah an la chhiar zui !!! Martyr dik ber chu Hmangaihna avanga mi dangte tanna mahni NUNNA THAP hi niin a langa. Chu chu atakin Kraws lerah Isuan min entira, a Martyr na thisen chu a thlawnin a luang ral lova. Vawiin hian chhandamin kan lo awm ta a ni. Kraws lera a tuar lai khan min hre renga, pumpelh kawng pawh a zawng lova. Hmangaihtu chuan hmangaihte tan a tuara, min rawn thihchilh ta tawp mai a ni. Hmangaihte tan kan tuar ve ngam ang em ? Isuan a
Read more

TIDAMTU ISUA, DOCTOR ṬHA BER

Image
In natnate ka tikiang daih ang - Isua Tin, LALPA in Pathian rawng chu in bâwl tûr a ni, tichuan I chhang leh I tui chu mal a sâwm ang a; tin, in zîng ata hri ka tikiang daih dâwn nia. (Exo 23:25) Tin, Isuan an hnenah, “Mi hriselte chuan daktawr an ngi lo va, mi bawrhsawmte zawkin an ngai a ni. (Lk 5:31) I thla a muang em ? Hlimna tak tak i nei em ? Thih thlamuanna i neih tawh em ? Hlauhna in i thinlung a la khat em ? Heng zawhna te hi AW tia i chhan chuan Doctor Isua i mamawh tihna a ni a, pan thuai la, anin a lo tidam dawn che nia. tag pin
Read more