IN MÂK LEH NUPA INṬHEN HI PATHIAN IN A HUA

Inṭhen leh mai tur a innei hi tumah kan awm ka ring lova. Duh ber leh hmangaih ber tawnga, hmangaiha NUPAA insiam kan ni ṭhin niin a langa.

Kan han mu dûn a, kan han tho dun a, chaw kan han ei dun a, hna kan han thawk dun a, chhungkua kan han din dun a, zir tur a lo tam em em a.

Kan duh dan ṭhenkhat paih a lo ngaia, kan kawppuite duh dan ṭhenkhat pawm (adopt) a lo ngai a. Kan chhungte duh dan thlengin pawm sak zel a lo ngai ta a.

Chhungkaw tharah chuan Nunphung a lo danga, Dan thar te a lo awma. Chawhmeh siam dante, chaw ei hun te, mut hun te, thawh hun te, TV a en duh zawng etc te a lo dang ta zel mai a.

Ni tinin paih leh belh (minus leh plus) nun-a nun a lo ngai ta a. Paih tur a tam in belh tur a tam bawk a. Chuvangin, ṭhenkhat an thinrim a, an phun a, thinrimna tur an zawnga. Thil ho te te ah inhnialna tur an zawng khawma.

A tawpah chuan "ka haw ang, ka chhuak dawn, haw rawh, chhuak rawh" tih te hian a hmawr an bawka. Chu ve leh "MÂK or SUMCHHUAH" chak leh duhna tlangah, mahni thiam in tihna tlangah an lo ding ta ṭhin a ni.

Chu chapona leh mahni thiam inchantirna tlângah chuan tlawmna nun a awm thei lova, mahni sualna in hmuh a hara, mi dang sualna leh tlin lo na erawh "A LANG CHIANG EM EM ZEL SI A"

Mi chapo setana chuan chung mite chu a lo faka, "i sawi dik, i fel , i ṭha, i thiam zawka, i dik zawk a lawm" etc ti te in a lo fuihpawr zel a. A tawpah chuan, a duh ber leh a hmangaih ber aiin AMAH a in hmangaih zawk avangin INṬHEN a lo duh ta hial ṭhin niin a lang.

Mahse, Bible chuan "Chutichuan Pathianin a zawm tawh chu mihringin ṭhen suh se" (Mk 10:9) a ti.

"Nupui ma chuan a nupui a bum a, Pasal ṭhen pawh in a pasal a bum a ni" a chhanchu... an innei laia an thutiam kha "DAWT AH" an chantir a vangin.

Pathian in nupa inṭhen hi a phal lova, chutiang bawkin Amah ringtute pawh in "AMAH AN ṬHEN HI A DUH LO A NI"