KAN PHURRIT MIN PHUR SAK ṬHINTU CHU LALPA A NI

Ka naupan laiin thingtlang ah kan awma, ka Nu leh Pate lo ah an feh ṭhin a. Tlai ah tlai thar an rawn phur haw ṭhin a. Feh kawng a thui chang leh an phur a rit dawn chuan an phurrit lo chhawk turin sikul ban ah kan lo hmuak ṭhin.

An phur zawng zawng kan phur sak thei lova, mahse an phurrit kha kan chhawk zangkhai ṭhin a ni.

Lo ah kan feh a, fanghmate, vaimim etc te phur ve kan chaka, a changin kan phur ve a, a changin kan ak haw ṭhin bawka. Kawng a thui deuh chuan kan lo hah ngei ngei ṭhin a. Kan chau lutuk hlau in kan nu leh paten kan phur te kha min phurh/ak sakin min chhawk zangkhai bawk ṭhin.

"Sikul banah min lo hmuak rawh u" ti a an sawi avangin ka nu leh pate an phurrit chhawk zangkhai turin kan hmuak ṭhina, an phur kha a lo zang ta ṭhin a ni.

Lal Isuan... "Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u" (Mt 11:28) tiin ni tina kan phurrit min chhawk zang khai tumin min sawmin min ngenna, chhawk zangkhai kan duh chuan pan mai tur a ni.

Feh kawngah kan lo chauvin kan lo hah ta a. Kan hah tawh a ni tih a taka hmu tu kan Nu leh Pate chu kan hnenah an awma. An ruala kal ve zel kan nih avangin kan hah/chaklo apiangin kan phurrit tak mai chu min chhawk zangkhai leh nghal mai ṭhin a ni.

I mimal phurritte, in chhungkaw phurritte, in nupa phurrit etc te kha Lalpa hnenah thlen la, tichuan a lo chhawk zangkhai dawn che u a ni.