KHASI HO RUL VULH, SAM LEH THAWMHNAW HLEHTHLAK CHUNGCHANG

Garampani, N.C.Hills ah kan awm laiin pawisa hlui (coin) zawng ṭhinte (vai leh khasi) nikhat chu ka titi pui a. Zawhna zawh duh ka ngah khawp mai a. Kan titi na ah chuan Khasi ṭhenkhat in an Inah rul an vulh thu min hril ta a.

Chu an rul vulh chu rul pangngai anga lang ni mahse rul pangngai a ni lova. setana emaw ramhuai emaw tiin sawi ta ila kan sawi sual awm love.

An sawi dan chuan, chu rul chu a ṭawng thei a, a vulhtu ten an dil apiang a pe thei a. Entirnan : pawisa kan nei tawh lova, chuvangin zanin chu pawisa thingrem khat (box khat) min pe rawh an tia. Khawia pawisa nge tih hriat loh, pawisa lem ni si lo, a vulh tu ten an dil zat apiang kha a pe mai ṭhin a ni an ti.

Mahse, setan hmangaihna chuan phut let a nei a. An dil apiang a pek zel ang chiah in a dil apiang an pek ve a ngai a. Chu rul chuan MIHRING aia duh a nei lo niin an sawi a. Mihring thisen a duh bera, a dil tawh chuan pek ngei ngei a ngai a. Chuvangin, hmun hrang hrangah mihring rukbo tur zawngin mi an tir ṭhina. Rul ei tur mihring an zawng ṭhin an ti.

Rul in mihring a dil laiin mikhual an thlen hlauh chuan an muthilh lai takin zan laiah an thova an mikhualte chu rul an pe tawp mai ṭhin an ti bawk.

Mihring thisen dawt chak em em rul tan mihring an zawng ṭhina. An hmuh loh chuan an majni chhungkua in an tuar mai ṭhin bawk niin an sawi.

Chutianga mihring nunna la ṭhin leh rul vulh avanga hausa te chu sawrkarin a hre lo a mi ? Engati nge police ten an man ve ngai lo a mi ? tia ka zawh chuan... Khasipa chuan, "An hausa si a, pawisa in hotu te, police te an tham zel ṭhin a, an man thei ngai lo" a ti.

"Rul ei tur mihring rukbo tur an zawng anga, an hmuh zawh loh chuan mi sam (hair) te a rukin an tan/chehthlak sak ṭhina. Mi thawnhnaw thar hak lai te a rukin an hlehthlak sak ṭhin a.

Chung te chu rul hmaah an dah a. Rul chuan a power in a dawi anga, a hmaa an sam dah sak aṭang khan sam neitu kha a lo chhuak anga. Kha sam kha mihringah a lo chan ve leh kha nu/pa kha a awmna hmunah a damlo nghal ṭhin a.

Tichuan, chu mihring lo lang ta chu an bual fai anga. Rul ei turin an buatsaih ang. Rul in a ei rual rualin a awmna hmunah khan chu pa/nu chu a thi ang" an ti.

Ka thu hriat leh pakhat hian Krista ropuina leh a thiltihtheihna a lan tir chiang hle niin ka hria a, chuvangin, uar takin ringlo mite zingah chuan ka sawi fo ṭhin.

Chu thu chu hei hi a ni. " mi vannei te chu rul power in a ngam lo emaw a hmaa an sam dah sakte a dawiin mihringa a chantir theih lo an awm ṭhin" an tia.

"E khai chu chu vanneihna niin a lang lova. Chutiang mite chu ISUA RINGTUTE an ni ang. A chhanchu, setana power in ISUA a ngam ngai lova. Krista Isua ringtute reng reng chu setana leh a tirhkoh ramhuaite pawh in an ngam reng reng ngai lo.

Chuvangin, Isua ringtute tan chuan chutiang rul emaw, sam chehthlak sak emaw, thawmhnaw hak lai hlehthlak sak emaw te chu hlauh tur a ni love " tiin uar takin kan Kristiante zingah leh ringlo mi te zingah ka sawi ṭhin.

( A ṭul dan a zirin ramhuai hna thawh dante, ramhuai an khawi dante kan la ziak leh dawn nia. Chuan, khing thute khi 1995-96 bawr vella ka hriatte kha a ni a, tunlai hian an la vulh em tih erawh ka hre lo