KRISTIAN KAN NI TAWH, KAN MAMAWH TAWH LO A CHE - Boro Kachari ringthar

N.C. Hills ah rawngbawlna kan nei laiin "LU THLAWK THEI" chungchang an sawi ka hria a. Chu "Lu thlawkthei" chu hriat chian leh zual tumin zawh tur âwm deuh te ka zawt a.

An sawi ka hriat dan ṭhenkhat ka rawn sawi dawn a ni. "Ramhuai zawl mihring an awma, ramhuai chuan THISEN a duh bera, thisen zawng zawngah MIHRING THISEN a dawt chak ber a.

Thisen a duh hunah chuan tiang hian RAMHUAI ZAWL PA/NU chu zan lai ah a tho ṭhin a. A nghawng a chin hnuai lam chu a mutna hmun KHUMAH emaw Chhuatah emaw a mu renga, A LU ZAWNG chu a thlawk chhuak a, thisen dawt tur zawngin a thlawk kual ṭhin an ti.

Chutianga mihring thisen dâwt/in tur a hmuh chuan ramhuai chuan nasa takin mal a sawm ṭhin niin a lang.

Vawikhat chu Boro Kachari chhungkaw pakhat hian Isua an ringa, Kristian ah an rawn in pe ta a. An chenna tur In thar, a chhuat lei, a bang leh a chung chu "di" vek a ni a. An sak zawh chuan In neitupa chu hna thawk turin Meghalaya ah a kal a.

Nu ber chuan tihian an pa zin hlan a an thil tawn te min hril a. "Zan khat chu thawm ka hre ta tlat mai a. Khum aṭangin ka auva. Tuman min chhang lova. Thawm dang ka hre leh a. Reilotê hnu ah chuan kan In chung chhip hnuai zawn bang chu pawn lam aṭangin a rawn keuva, LU RINGAWT hi a rawn dak lut a, (a rawn dak luhna lai hi feet 10 vela sang a ni ang).

Ka hmuh ve leh ka au vaka, chem ka va la a. Reilote hnu ah kan kawngkapui chu hawn tumin bang chu a kutin a rawn zen tlanga, kawngkhar kalhna chu hawn a tum a. Touch-light in ka ên a, a kut chu dum tak a ni.

Chu vel leh rang deuhin ka tho vata, "KRISTIAN KAN NI TAWH, KAN MAMAWH TAWH LO A CHE" ti a auvin CHEMPUIIN va sah ka tum a. Ka sat hman ta lova.... tiin.

Matthaia 10:8 kan chhiar chuan, "Dam lote tidam ula, mitthite kaitho ula, pharte tithianghlim ula, #ramhuaite_hnawt_chhuak_ang_che_u; athlawnin in hmu a, athlawnin pe ang che u" tiin kan hmu a.

Ramhuaite chunga thuneina (power) min pe a, ramhuaite control thei na Power min pe bawka. Ramhuaite hnawhchhuah thei na min pe bawk a ni.

Chuvangin, Isua Krista ringtu dik takte chu ramhuaiten an hlauva, an bul hnaiah pawh an awm ngam ngailo an ti.

Bible chuan, "Isuan setana (ramhuai) a hneh thu min hrila, chu hnehna chu chatuan daih a ni. World Cup ang te a ni lova, Premier League ang a ni ve lova, Champion League ang a ni ve bawk lo. Hengah te chuan Champion thar an awm zel a.

Mahse, Isua leh setana indona ah chuan Chatuan atan Krista chuan ramhuai lal setana chu a hneh tawh a. Chumi HNEHNA ṬAWMPUITUTE CHU KEINI KRISTIANTE HI KAN NI.

RAMHUAITE HNEHTU ROPUI, CHAMPION LAI KAN NI E.

Lalpa chu fakin awm rawh se.