LUNGALHTHEI PHURHIN KA IN HLAWH VE ṬHIN

12 January 1994 aṭang khan hun puma Pathian rawngbawl tûrin ka in pe a, Assam Quary, NC Hills a lungalhthei an lai chhuahna hmunah bul ṭan in Hindi ka zira, thlaruk vel ka awm hnu in Pathian thu ka sawi thei ṭan a.

Min chawmtu an awm lo avangin LUNGALHTHEI khura an lai chhuahsa chu PHURHIN ka in hlawh ve ṭhin a. Picture pakhatna a mi angah hian step chhuk chho takah, feet 80 vela thuk ah te Khasi êm (a mawng zum chi, amah a ding thei lo) in lungalhthei ka phur chhuak ve ṭhin.

Rawngbawlna ka ṭanna hmun, Hindi ka zirna hmun, Pathian thu ka sawi hmasak berna hmun, Hindi a Chanchin ṭha ka puandarh hmasak berna hmun, mi Thu sawi Hindi a ka leh sak hmasa berna hmun, hnam leh ṭawng chi hrang hrang leh society hrang hrang ka zirchhuahna hmun niin ka hria a.

Ramhuai chanchin leh an hnathawh dan chi hrang hrang ka zirchhuahna hmun, hindu puithiamte nena kan INCHO FO NA HMUN, ka ei ngai miah loh... PANGANG ei ka zir na hmun... Ka ei thei hnu a keimah ngeiin PANGANG ka vulh na hmun, PANGANG silk ngeiina keimah kut ngei a RIZAI ka siam ve na hmun.

Ka In luah tur pawh a chak zawng zawng keimah ngeiin ram hnuaia mi ka kit a, ka la khawma ka put leh vekna hmun, mahni luah tur In mahni ngei a ka SAK NA hmun.....

Lungalhthei an laihna khur thim tak chhunga ka luh hmasak berna hmun. Khasi ho in Ramhuai ṭawng thei, a tak hmuh tur awm silo te an vulh ṭhin tih ka hriatna hmun. Khasi ten rul (Ramhuai/setana) an vulh dante, a ei atân mihring an pêk dan te, Khasi hovin a rûka an sam tan sak an hlauh dante, an thawmhnaw thar leite a ruk a lo cheh bun/thlâk sak an hlauh dan te leh thil dang tam tak pawh he Assam Coal-Field ah hian ka zir chhuak ve in ka hria a, chuvângin, he hmun hi ka ngaiin ka tan chuan Gilgal niin an lang.

Sawi tur tam tak ka nei. Ka kawng zawh hi a chhuk chho mai a ni lova, a bumbo in a kikawi thei hle. Israel fate kha engvângin nge Nithum vel a an thlen mai thei Kanaan ram kha Lalpan thlalêr ramro lamah a hruai tak daih le ?

Thlalêr ah khan a Pathianna chu a takin Lalpan a en tir a, Pathian Rinthlak a nih zia te a takin a entir a nih kha....... Josefa chhanchhuaktu Pathian khan ka kawng zawh tur min sial sak in min chhanchhuak a, Josefa promote tu khan kei pawh min promote ve a ni.

"God will make a way
Where there seems to be no way
He works in ways we cannot see
He will make a way for me"

"He will be my guide
Hold me closely to His side
With love and strength for each new day
He will make a way,
He will make a way for me " tih hla hi a tak takin ka tawng ve niin ka hriaa, chuvângin.......

"Lalpaah chuan lawm fo rawh u: ka ti leh pek ṭhin ang, lawm rawh u" (Phil 4:4) ti a Bible in a sawi ang hian LAWM FONA TUR LEH LAWM ZELNA TUR HLIR HI KEI CHUAN KA TAWNG NITIN TAWH MAI NIIN KA HRIA.