RAMHUAI ṬAWNG THEI, MAHSE MITA HMUH THEIH SI LOH KHASI ṬHENKHAT IN AN INAH AN KHAWI (AWM TIR) ṬHIN ?

He thu hi Khasi pakhatin a sawi ka hriat a ni a. Ṭawng ve thei a ni, amah erawh mihring angin hmuh thei a ni lo a. An Inah an chên tir chuan an duh duh an dila, chu ramhuai ṭawng thei chuan a pe zel ṭhin an ti.

Chu ramhuai ṭawngthei-a chu an nin a, an duh tawh lo chuan chhuak turin an ti ṭhin a, mahse a chhuak duh mai mai ngai lo.

An In aṭanga a chhuah dawn chuan amah avanga an thil neih zawng zawng kha an In chhung atanga lak chhuah vek a ngai ṭhin a. Amah avanga an thil neih pakhat chauh pawh In ah a awm chhung zawng chuan a chhuak duh ngai lo.

Chuvangin, ramhuai kal tlanga an bungrua leh an thil ṭha nei zawng zawng chu In aṭangin an la chhuak vek anga, a tam tham deuh phei chuan Truck te hmangin ramhuai bungrua chu an phur chhuak a, ram pil ril deuvah mi kal tam lo deuhna anga an ngaihna hmun lamah te chuan an kalpui ṭhin.

Ual au taka tih an hlau ve deuh tho avangin mi hriat lo turin ramhuai leh a bungruate chu an In atanga phur chhuakin ram hnuai ah chuan an va dah leh ṭhin.

Bungrua ṭha tak tak mai ram hnuaia awm te chu mi tuin emaw lo hmuin, pakhat chauh pawh la sela, ramhuai chuan a zui nghal ṭhin an ti bawk.

Chulai velah chuan mi an va kal chuan ramhuai chuan, "khawngaih takin in In ah min awm tir ve ru...min hruai haw leh ru etc tiin a lo ngen ṭhin a. A tak hmuh tur awm si lovin boruak aṭangin "Aw" ringawt a lo chhuak ṭhin an ti.

Tin, chung lai tak chuan Isuan nate, hripui veite, #ramhuai mante tam tak a tidam a, mitdel tam takte pawh an mit a tivar a. (Lk 7:21)

Ramhuai aiin Isua a chak zawka, Isuan ramhuai a hneh tawh a, Isua hmaah chuan ramhuaite an khur ṭhin.

Chuvangin, kan Lal Isua Krista zarah ramhuaite ngamtu leh hnehtu kan lo ni ta a ni.

Ramhuaite hnehtu Lalpan ropuina chang rawh se.