davidhmarministries

Ka hmangaih ber che, nang loh chu tumah hmangaih dang ka nei lo tia sawi țhintupa ngei chuan a nupui chu a hnawt chhuak ta mai a !!! Lal Isua erawh chuan tumah a hnawt chhuak ngai lova, a hnena kal apiang a lo hmangaiha, a lo ngaina em em țhina, tu rilru mah tih nat a duh lova, tumah a hnawt chhuak ve ngai lo. Chuchu a ni Hmangaihna dik leh tak chu. Pain mi pek zawng zawng ka hnenah an lo kal vek ang; tupawh ka hnena lo kal chu ka hnawt chhuak tawp lo vang. (Jn 6:37)

Office ah kalin thil/hna kan han dil ve a, min lo dawn sawn dan reng reng kha ka tuilo, min pe lovang, etc kan tia. Pek loh pawlah kan tel leh țhin (?) Kan Pathian chuan, mi dil rawh u. Mi dil apiang ka pe thei cheu tih ring ula, in dil kha ring bawk ula, in thu sawi pawh ring bawk rawh u. Ka tihtheih tih ring bawk ula, tichuan ka pe ang cheu tia min hrilhna Bible chang chu Marka 11:24 hi niin ka hria. Kan thusawi te hi ring ila, kan dil pawh hre reng ila, kan thil dilah chiang bawk ila, kan thil dil te ngaihsak țhin bawkk tur a ni

Thinlunga thuruk te, kan ngaihtuahna zawng zawng te, rilru a kan veih em em te, kan suangtuahna țha leh țha lo zawng zawng te tumah hrilh ngai lovin kan PATHIANIN a hre vek zel a ni a.

Kan hlima, kan lawma, thlamuang taka hringnun zanthim kan kal pel theina turin Lalpa i hnaih tlat ang u khai. Pathian hnaih rawh u, tichuan anin a hnaih ang che u. Mi sualte u, in kutte silfai rawh u; rilru bulbal nei lote u, in thinlung tithianghlim rawh u. (Jak 4:8)

Rinnaa kan intlansiakna kawngah hian tunge Isua Trophy la anga, tunge Champion Trophy chawi ang ? Setana ngamtu te chuan Hnehna Trophy leh Chawimawina lallukhum kan la chawi ngei ang. Chu lawmman pe tu chu Lalpa a ni dawna, eng Trophy nge i lak ang, eng ang chawimawina nge kan dawn ang tih hi kan ngaihtuah fo a țha awm e. Nimahsela, rinna lovin ama lawmzawng mi nih rual a ni lo; Pathian hnena lo kal chuanin, ani chu a awm tih leh zawngtute hnena lawmman pek hmang a ni tih rin tur a ni. (Heb 11:6)

Bawi pakhat hnenah talent nga a pe a, bawi dang hnenah talent hnih a pe a, bawi dang hnenah talent khat a pe a; an tih theih tawk tur ang zel theuhvin a pe a; tichuan a kal ta a. (Mt 25:15) Mi pathum hnenah Lalpan talent a pe a. A hmasa ber hnenah chuan ralent panga a pe a. A dawt leh hnenah chuan pahnih a pe a. A pathumna hnenah erawh chuan pakhat chauh   a pe a. Tichuan talent nga dawngtu chuan talent dang a va thawk chhuaka, talent hnih dawngtu pawn talent hnih dang a va thawkchhuak bawk a. Talent khat dawngtu erawh chuan talentkhat mah a thawk chhuak ve lova. Lalpan talent a pe țheuh a, a mihring a zirin nge, an thiam dan a zirin nge ni ang, a pek dan erawh a in ang vek lo. Pakhatin panga, a dawt leh in pahnih, a pathumna chuan pakhat. An tihpun thei dan tur ang tawk zelin Lalpan a talent chu a pe hlawma. Lalpan eng talent nge a pek che ? Engzat nge talent i dawn ve ? Țawngțai talent te, Bible chhiar talent te, music talent te, khuangvuak talent te, zaipawl talent te, conductor

I thuhriattirte chu a rinawm êm êm a: Aw LALPA, kumkhuain Thianghlimna hi i in nên a inmawi a ni. (Sam 93:5) Pathian In kan ni tih kan hriaa, chu In chu kan taksa hi a ni a. Chu In chu englai pawh a fai leh thianghlim reng tura enkawl tur kan ni. Zingkarah kan ha kan nawta. Chaw ei khamah te țhenkhat chuan kan nawt bawka. Kan ha a bal chuan a mawi lova, a rim pawh a chhe țhin. Chuvangin, kan ka leh ha te a lo faia, a lo thianghlim reng thei nan nitin kan nawt fai reng a ngai țhin. Kan chhungril thlarau nun a lo thianghlima, fai taka a awm reng thei nan Bible chhiar leh țawngțai te kan taihmak a ngai a. Nitina kan ha kan nawt a, toothbrush leh toothpaste kan hman ang hian Bible chhiar leh țawngțaiin kan thlarau nun i nawt fai zel țhin ang u.

Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thling phel hrang khawp hialin a chhun thei a,thinlunga ngaihtuah leh tumte hi a hre nghal thei a ni. (Heb 4:12)

In ṭawngṭai sak tawn ṭhin rawh u (Jak 5:16)

An hnenah, 'Aw Israelte u, hre rawh u khai, tunah chuan in hmêlmate in do dawn ta ani a, zam suh ula, tih suh ula, khur hek suh u, anni chu hlau hek suh u; Nangmahni chhandam tura in hmêlmate beihsak tur che u a in hnena awm zel chu LALPA in Pathian a ni si a,' ti rawh se. (Deut 20:3-4

Hawh u, LALPA hnênah i kîr ang u: Min lo pawt sawm tawh na a, min tidam leh dâwn si a, Min lo vaw tawh na a, min tuam leh dâwn si a. (Hosea 6:1) Cinema ticket cut turin in tlar a ngai a, Gas la turin in tlar a ngai a , Adhaar card atana thla la turin intlar a ngai a, Ration card a bufai la turin in tlar a ngai a, Vote thlak turin in tlar a ngai a, Petrol la turin in tlar a ngai a, Bank dawr turin in tlar a ngai a, Tui kang nghakin in tlar a ngai a, Zu lei turin in tlar a ngai a. Ministerte hmu turin in tlar a ngai a, CM hmu turin in tlar a ngai a, Ruotmawi chibai buk turin in tlar a ngaia, Doctor rawn dawnin in tlar a ngai a. In tlarna tur a lo va tam tak em !!! Inkhawm turin in tlar a ngai lo. Țawngțai turin in tlar a ngai lo, Pathian fak turin in tlar a ngai lo, Bible chhiar turin in tlar a ngai lo, Pathian be turin in tlar a ngai lo, Thilțha ti turin in tlar a ngai lo, Rawngbawl turin in tlar a ngai lo. Thilpek pe turin in tlar a ngai lo. In tlar ngai kawng nge kan zawh zel anga in

Ani chuan i ke chu tihsawn a phal lo vang a: Nangmah vengtu chu a muttlu lo vang. Ngai teh, Israel-ho vengtu chu A muthluin, a muhil hek lo vang. LALPA chu nangmah vengtu ani a: LALPA chu i ding lama hliahtu che a ni. (Sam 121 : 3-5)

Samsona chuan Philistia ho hi kan thihchilh teh ang a tia. Chutichuan a dam laia a tihhlumte ai chuan a thihchilhte chu an tam zawk (Ror 16 :30) Hmangaihna avangin Philistia te kha a thihchilh lova, phuba lak nan zawk ani a thihchilh ni. Lal Isua erawh chuan min hmangaih a, min chan loh hlauvin, kan tan Kraws ah a tuara, min hmangaih em avangin min rawn thihchilh tawp mai a ni. Muslim helpawl te chuan mi dang an thihchilh țhina, an tan sawtna pakhat mah a awm lova, hremhmun ah an in barh lut ta zawk țhin a. Chutianga thi te chu Martyr ah an la chhiar zui !!! Martyr dik ber chu Hmangaihna avanga mi dangte tanna mahni NUNNA THAP hi niin a langa. Chu chu atakin Kraws lerah Isuan min entira, a Martyr na thisen chu a thlawnin a luang ral lova. Vawiin hian chhandamin kan lo awm ta a ni. Kraws lera a tuar lai khan min hre renga, pumpelh kawng pawh a zawng lova. Hmangaihtu chuan hmangaihte tan a tuara, min rawn thihchilh ta tawp mai a ni. Hmangaihte tan kan tuar ve ngam ang em ? Isuan a

Duh sela, a in tidam ngei ngei ang. In tihdam se, keini kan dam dawn lova, a rawngbawl hna hlen lo se, CHHANDAMIN kan awm dawn lova. A tawp thlengin tuar lo se, keinin kan tuar a ngai dawn si a. Tuihalin awm lo se, keini tuihalin kan thi dawn si a. Kraws lera a țawngțaina A Pa'n chhang se, kan chan tur chu meidil a ni mai si a. A nakah tui leh thisen lo luang chhuak lo se, kan sualna silfaiin a awm dawn si lo. A lu ațanga a ke thlengin a thisen hlu lo luangchhuak lo se, kan pumin sil faiin kan awm dawn si lo. Kan tan hreawm a tuara, a thi a, min va hmangaih tak em ! A hmangaihna chhan let nan, mi dang tan kan tuar ve ngam ang em le ?

Heb 9 :27 Kan lungduh leh hmangaih ten mual an liam zela, a ṭhenin van kohna an chang anga, a ṭhen erawh chuan chatuan hremhmun kohna an chang ngei ang. Keini tuna dama la awm te ngei pawh hian he thihna kawng hi kan la zawh ngei ngei dawn a. Engtika nge kan sakruang hi thlanah phum a ni ang ? Thlanah chuan vaivuta siam tisa chu phum a ni anga, vaivutah a kir leh anga. Mahse, kan thlarau erawh thlanah phum bovin a awm dawn lova. Vanramah nge, hremhmunah zawk a kal ngei ngei dawn a ni. Kan tan vawikhat thih ruat a ni a, chumi hnu ah chuan Chatuan rorelna hmaah ro relsak in kan la awm dawna. Khawvela kan damlaia kan thil tih ang zelin relsakin kan la awm dawn a ni. Unau duhtak, Thihna kal tlanga Vanrai kai nge i duh, hremhmun kal zawk ? Thihna kal tlanga Vanram i kai ngei ka duh sak a che a. Chu chu Pathian duh ber pawh a ni a. Tisa thihna kaltlanga i Thlarau vanram ah a kal ngei thei nan Pathianin Chhandamtu Isua Krista chu kan tan a rawn tira. A ringtu apiangin Chhandamna kan changa,

He Bible chang hi ka chang duh em em a ni a, KA DAMNA BIBLE CHANG a ni a, i tan pawh DAMNA CHANG a ni mai thei a, A vuakna vualte ah khan KAN TAN DAMNA FAMKIM A AWM A, chu damna chu RINNA avangin kan chang thei a ni. Nimahsela ani chu kan bawhchhiatnate avângin hliamin a awm a, kan khawlohnate avângin vuak thitlinin a awm a:kan thlamuanna tûr thununna chu a chungah a tla a; a vuakna vualtea tihdamin kan awm ta. (Isaia 53:5)

In natnate ka tikiang daih ang - Isua Tin, LALPA in Pathian rawng chu in bâwl tûr a ni, tichuan I chhang leh I tui chu mal a sâwm ang a; tin, in zîng ata hri ka tikiang daih dâwn nia. (Exo 23:25) Tin, Isuan an hnenah, “Mi hriselte chuan daktawr an ngi lo va, mi bawrhsawmte zawkin an ngai a ni. (Lk 5:31) I thla a muang em ? Hlimna tak tak i nei em ? Thih thlamuanna i neih tawh em ? Hlauhna in i thinlung a la khat em ? Heng zawhna te hi AW tia i chhan chuan Doctor Isua i mamawh tihna a ni a, pan thuai la, anin a lo tidam dawn che nia. tag pin

Kan sualte ngaidam turin Pathian chu a rinawma, mi sual sim te a hmangaih a, a ngaidam bawk țhin. Ka hming pu ka mite chuan inngaitlâwma an țawngțai a, min zawn a, an awm dan sualte an hawisan chuan, vân atangin ka lo ngaithla ang a, an sualte ka ngaidam ang a, an ram chu ka tidam leh ang. (II Chro 7:14) Kan inngaitlawma, kan țawngțaia, rilru leh thinlung zawng zawnga kan zawna, kan awmdan sualte, kan nunhluite kan hawisan chuan.........   A awmna Van ațang chuan minlo ngaithla anga, KAN SUALTE MIN NGAIDAMIN, KAN CHHUNGKUA, KAN KOHHRAN, KAN KHUA, KAN RAM a tidam leh dawn a ni.

Setanan kal dan a zirtir che chuan setana kawngah i kal anga, a kal dan danin i kal anga, a duhna lam lam ah a kal tir che anga, a tawpah beidawna khurthim ah i tla ang. Isua kristan kal chhet chhet tia kal dan a zirtir che erawh chuan kawngdik leh engah a hruai țhin che anga. A kal kawngah a kal tir che anga. Ama kal dan ang angin i kal bawk ang. Tu kal danin nge i kal țhin ? Tunge kal dan zirtir țhin che ?   Aw LALPA, i kawngte chu mi hriattir la; I kalkawng chanchinte mi zirtir ang che. I thutakah chuan mi hruai la, mi zirtir ang che. Nang chu mi chhandamtu Pathian i ni si a; Nilenga ka nghah reng che hi. (Sam 25:4-5)

Zawhna chhan thiam harsa anga lang si chhan awlsam em em mai a ni a. Min hmangaih em avangin a kan tan a NUN a hlana, atan enge kan hlan ve dawn ? Hmangaihtu chuan a Hmangaihte tan a nun a hlana, a hun a pe a, a rilru a pe a, a thinlung leh ngaihtuahna zawng² a hlan țhin. Min hmangaihtu te tana Nun hlan hi thil harsa a ni lova, Isua tana hlan ngat phei chu thil harsa a ni lo. A hmangaihnaa awm lo tan erawh chuan a harsa ang. I tan ka nun ka hlan, Ka tan eng nge i hlan ve dawn ? Ka nun i tan ka pe, Ka thisen hlu a luang, Nangmah tlanna tur che, Thihna i chhuahsan nan. Kan nun i tan ka pe, Eng nge min pek ngai le ?

NITINA KAN RITPHURH MIN CHHAWK ZANGKHAI ȚHINTU LALPA HMING CHU FAKIN AWM RAWH SE. I rit phurh chu LALPA chungah nghat la, tichuan anin a tichak ang che; Mi fel chu engtikah mah tiihnghin a phal lo vang. (Sam 55:22) Kan hnena awm reng tiam mahse kan rinna, kan rilru hahna leh kan phurritte a kutah kan dah/nghat ngam lo chuan min chhawk dawn lova. Chuvangin, kan buaina ah kan au chu a phutin a beisei tlat a ni.

Chutichuan, 'Inthawina duh lovin khawngaihna ka duh e,' tih hi, a awmzia va zir rawh u; mi fel takte lam tura lo kal ka ni lo va,   mi sualte zawk lam tura l o kal ka ni asin ," a ti a. (Mt 9:13) Isua lo kal chhan ka ngaihtuah a, zawhna ka zawt ka zawta, a chhanna chu hei hi a ni. "Mi sualte zawk lam turin a lo kal"tih hi. Chu mi sual chu tu nge ? Suala piangsa keimah.   Mi sual ni lo ila, Isua hi khawvel ah a rawn kal dawn lova. Kan sual em avangin Pathianin a fapa Isua chu khawvel ah (mi sual te chhandam turin) a rawn tir a ni. (Jn 3:16-17) Lalpan sual a hua a, mi sual te erawh a hmangaih tlat thung. Chutiang hmangaihna chuan kei misual hi min rawn zawng chhuaka. Rawngbawltu leh nu leh pa te kal tlangin a hmangaihna thu min rawn hlana. "Yes" tiin ka lo chhang a. Chutaṭang chuan kei misual chu "Mi fel ah Lalpan min puang ta a. Mi tlinglo chu tlingah min puanga. Thiam min chantir ta a ni. Tuin nge thiam loh chantir ang? Thia kha Krista Isua chu a

DAMCHHUNGIN KRAWS KAWNG KA ZAWH ZEL ANG (Mk 8:34) I chhiar tawh a, i sawi tawh a, i sa tawh a, i la let leh theih tawh lo. I thusawi Lalpan a hriaa, a țanpui ngei ngei ang che. Kraws kawng hi zawng a zau tawk loh a ni ang, kraws kawng hi zawng a mâm țha tawk loh a ni ang. Kraws kawng hi zawng a zawhtu an tlêm a ni ang, a reh thei em mai. Mi huaisen, Krista pasalțha leh nusalțha te chuan an Hmangaihtu Isua hnen thlenna tur kawng dik a nih tih hriain, khawhar thlakin, reh rui țhin angin lang țhin mahse hnunglam hawi lovin an zawh zel țhin. A bul țan ûka, a tawp thleng lo te tan chuan lawmman a awm dawn si lo va. Lal Isua Kraws kawngah chuan, hmusitna te, diriamna te, nekchepnate, endawngna te, ngaihnepna te, sawichhiatna te, puh chhiatna te, thlauthlaknate, phatsannate, hawisannate, retheina te, mangannate, țahna te, mittui thlakna te, muttheihlohna te etc a awm țhina. Chung zawng zawng chu kal tlangin, " KEI ZAWNG KRISTA KRAWS KAWNG KA ZAWH ZEL ANG" tiin kan sawi ngam ve ang

"Rilrua retheite chu an eng a thawl e; van ram an ta a ni si a. "Lungngaite chu an eng a thawl e, thlamuanin an la awm dawn si a. "Thuhnuairawlhte chu an eng a thawl e; lei hi an la rochung dawn si a. "Felnaa riltama tuihalte chu an eng a thawl e; an la tlai dawn si a. "Mi khawngaih thei takte chu an eng a thawl e; khawngaih an la hlawh dawn si a. "Thinlunga thianghlimte chu an eng a thawl e; Pathian an la hmu dawn si a. "Remna siamtute chu an eng a thawl e; Pathian faa vuahin an la awm dawn si a. "Felna avanga tihduhdah tuar hnute chu an eng a thawl e; van ram an ta a ni si a. "Miin keimah avanga an hau che u a, an tihduhdah che u a, dawta sual tinrenga an hek hunah che u, in eng a la thawl ang. "Lawm ulangin, nasa takin hlim rawh u; vanah in lawman a awm hnem si a; chutiang bawkin in hmaa zawlnei awmte pawh an tihduhdah thin kha. (Mt 5:3-12)

Mitdelte an mit a lo var ta, kebaite kein an lo kal ta, pharte an lo thianghlim ta, bengngawngte pawh an beng a lo var ta, mitthite pawh kaihtawhin an awm ta, pachhiate pawhin Chanchin Țha hrilh an dawng ta. (Mt 11:5) অন্ধই দৃষ্টিশক্তি পাইছে, খোৰাই খোজ কাঢ়িছে, কুষ্ঠ ৰোগীক শুচি কৰা হৈছে, কলাই পুণৰ শুনিছে, মৃত সকলক জীৱনলৈ পুণৰুত্থিত কৰা হৈছে, দৰিদ্ৰ সকলৰ আগত শুভবাৰ্ত্তা প্ৰচাৰ কৰা হৈছে। (Mt 11:5) The blind see and [the] lame walk; [the] lepers are cleansed and [the] deaf hear; [the] dead are raised up and [the] poor have the gospel preached to them. (Matthew 11:5)

Genesis 1:1 ațanga Thupuan 22:21 inkar ah hian thu tam tak kan hmu a. A țhenin kawppui an nei a, a țhen chu chang dangah a hrilhfiahna a awm nghala. Țhenkhat erawh damchhung in zawng dawn mah ila, kan zawn hmu lo tur a awm bawka. A chhanchhu, Lalpan a vaia kan hriat vek a phallo niin Daniela lehkhabu ațang in a lang. Bible chang leh Bible chang hi in DEBATE tir lovin, in hrilhfiah tir zawk i la, tichuan Bible in a tum ber leh min hruai duhna kal kawng te chiang takin kan hre thei ngei ang. Bible hrilhfiah fuhlo/diklo hi a hlau awm em em mai a. Mi țhenkhatin an ngaihdan leh pawm danin an hrilhfiah tawp țhina. Khingbai taka hrilhfiah tu te chuan an hre khingbai a, an thu sawi pawh a khingbai a, an sawi zela, a hre kimlo zela, a tawpah phei chuan boralna ah an lut phah țhin. Lal Isua kha Mizoram ah lo kal hmasa ber chu nise, "Give us our daily bread" tih pawh hi... Give us our daily rice (food) tiin a zirtir ngei ngei ang. Israel hnam te, Juda te, Sadukai te, Samari mi te

Lehkhabu dangte i chhiar chuan hriatna an pe che anga, Bible i chhiar erawh chuan i nun a tidanglam ang. Chu nun thar ngei chu nia mi tam takin an zawn an zawn țhin chu. Thlamuanna te, hlimna te, lungawi zel theina nun te, engkima lawm na te Lalpan a pe dawn che nia. "Chu chu ka hreawmnaah pawh ka Thlamuanna a ni, I thu chuan mi tiharh ta si a. (Sam 119:50)

Tupawh tlemte chunga rinawm chu tam tak chungah pawh a rinawm țhin; tupawh tlemte chunga rinawm lo chu tam tak chungah pawh a rinawm lo țhin a ni. (LK 16:10) Control buhfai ei țhin, dista paper țhui chawp te leh lunglehkha te hmanga lehkha zir ve țhin. Sikul țha ah pawh lut ngailo kha ka ni a. Nalh tak taka in chei a mi'n bazar lam te, khawpui lam te an pan sup sup laiin Chite lui kam te hrutin nilengin hna kan thawk a. Cubic lung te kan thiar a, mi huan ah te, mi lo ah te hna kan thawk a. Mi pangpar huanah te, humpipe phumna tur lei laihna ah te ka in hlawh țhin a. Bible zir tura ka kal man tur tuakin ramhnuai ah hna hawkin ka riak ve a. Mi zawng zawngin ka kalna tur an hre si lo. Aizawl khawpui chhungah In sakna ah te ka in hlawk țhin bawk a. Rawra chawk hahthlak zia chu vawiin thlengin ka la theihnghilh lo. Zuk leh hmuam ti ngai lo tan chuan chawlh hun hi a reilo bik riau țhina hriatna ka nei a. Meizial zu țhin te chuan tluan khat kha muang changin an han zu a, an zuk zo hma c

Nangnin mi thlang lo, keiman ka thlang zawk che u a, va rah tur leh in rah awm reng turin ka ruat bawk a che u; ka hminga Pa hnena in dil apiang a pekna tur che u in. (Jn 15:16) Thlan tih awm zia chu kan hre vek anga, thlan an awm chuan thlan lo pawh an awm tihna a nia, "ka thlang zawk" tih thu pawh hi ngun takin chhut ila, a ropui a ni a. Keini ang te Lalpan min han thlanga, thiamna leh finna neilo te min han hmangaih tlat hi chu a ROPUI a sin ! Mahse, hei hi kan hriat reng ka duh, min thlanna ah kan tawp tur a ni lo. Min thlan chhan ti tura kan pen chhuah a phuta, RAH chhuah turin Lalpan MIN THLANG a ni tih hi hre reng ang u.

I nun a tuihal țhin em ? Tuihal rehnan eng nge i in țhin ? Tisa tuihal tih reh nan chuan tuisik thianghlim in hi a tawk viau mai a, mahse, thlarau nun tuihal tan tuisik in a țangkai si lo. Țhenkhat chuan zu te an in a, damdawi te an hmang suala, setana hnenah te an inthawia, mahse an tuihalna leh manganna chuan zual lam a pan zel si a. Hremhmun lalpa setanna hnen ațanga an dawn hnem po leh a let tam zawk a phut leh zel si a. Chuvangin, setana zuitu nun reng reng a hlim thei lova, an tuihal reng mai zawk țhin a ni. . Chuvangin, khawvel tuikhur ah te tui chawi tawh lova, chatuan nunna tuikhur ah chauh nunna tui kan chawi hi Lalpa Rilru a ni. Tin, Isuan a chhang a, a hnenah, “Tupawh he tui in apiang an tuihal leh ang; tupawh an hnena ka pek tur tui in apiang erawh chu kumkhuain an tuihal lo vang, keiin an hnena tui ka pek tur chu an kawchhungah tui hna a lo awm ang a, chatuana nun thlengin a chik chho vang,” a ti a. (Jn 4:13-14) . Chuvangin, chatuan nunna tui chau