davidhmarministries

Ka naupan laiin thingtlang ah kan awma, ka Nu leh Pate lo ah an feh ṭhin a. Tlai ah tlai thar an rawn phur haw ṭhin a. Feh kawng a thui chang leh an phur a rit dawn chuan an phurrit lo chhawk turin sikul ban ah kan lo hmuak ṭhin. An phur zawng zawng kan phur sak thei lova, mahse an phurrit kha kan chhawk zangkhai ṭhin a ni. Lo ah kan feh a, fanghmate, vaimim etc te phur ve kan chaka, a changin kan phur ve a, a changin kan ak haw ṭhin bawka. Kawng a thui deuh chuan kan lo hah ngei ngei ṭhin a. Kan chau lutuk hlau in kan nu leh paten kan phur te kha min phurh/ak sakin min chhawk zangkhai bawk ṭhin. "Sikul banah min lo hmuak rawh u" ti a an sawi avangin ka nu leh pate an phurrit chhawk zangkhai turin kan hmuak ṭhina, an phur kha a lo zang ta ṭhin a ni. Lal Isuan... "Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u" (Mt 11:28) tiin ni tina kan phurrit min chhawk zang khai tumin min sawmin min ngenna, chh

"Pathian nen kan inkar a fel phawt chuan a tawk e" tih hi ka pawm dan leh vawiin thlenga ka la tih ṭhin a ni. "Lalpan a rawngbawl tura min koh tak tak chuan RINNA IN ka kal anga, ka kawng zawh tur chu min siam chawp sak zel mai ang" tiin Pathian thu zir turin Coimbatore, Tamil Nadu ka pan a. Ka kal hma in ka zirna turte, a kal kawngte ka zir chianga, tumah ka rawn lova, ka nu leh pate pawh ka rawn lo. Engkim a fel hunah ka chhungte ka hril a. Tuman min khap lova, kut hnathawk a ei zawng ve mai chhungkua kan nih avangin thlakhat ah Rs. 200/- min rawn thawn thei chuan a tawk ang! Sahbawn leh toothpaste etc man tur ka ti a. A chhan chu, min kohtu hi tunge a nih a ? A hna thawk chhunzawm tur hian min koh tak tak chuan MIN NGAIHTUAH MAI ANG tiin ka ring tawp mai a. A takin Lalpa chet tir ka duh a, rintlak Pathian a nihna te an sawi fova, a rintlak zia chu ka mit ngei a hmuh ka duh bawk a. Min koh tak tak chuan mualpho in ka haw lovang ka ti a. Abrahama Pa

12 January 1994 aṭang khan hun puma Pathian rawngbawl tûrin ka in pe a, Assam Quary, NC Hills a lungalhthei an lai chhuahna hmunah bul ṭan in Hindi ka zira, thlaruk vel ka awm hnu in Pathian thu ka sawi thei ṭan a. Min chawmtu an awm lo avangin LUNGALHTHEI khura an lai chhuahsa chu PHURHIN ka in hlawh ve ṭhin a. Picture pakhatna a mi angah hian step chhuk chho takah, feet 80 vela thuk ah te Khasi êm (a mawng zum chi, amah a ding thei l o) in lungalhthei ka phur chhuak ve ṭhin. Rawngbawlna ka ṭanna hmun, Hindi ka zirna hmun, Pathian thu ka sawi hmasak berna hmun, Hindi a Chanchin ṭha ka puandarh hmasak berna hmun, mi Thu sawi Hindi a ka leh sak hmasa berna hmun, hnam leh ṭawng chi hrang hrang leh society hrang hrang ka zirchhuahna hmun niin ka hria a. Ramhuai chanchin leh an hnathawh dan chi hrang hrang ka zirchhuahna hmun, hindu puithiamte nena kan INCHO FO NA HMUN, ka ei ngai miah loh... PANGANG ei ka zir na hmun... Ka ei thei hnu a keimah ngeiin PANGANG ka vulh na hmun, PAN

Inṭhen leh mai tur a innei hi tumah kan awm ka ring lova. Duh ber leh hmangaih ber tawnga, hmangaiha NUPAA insiam kan ni ṭhin niin a langa. Kan han mu dûn a, kan han tho dun a, chaw kan han ei dun a, hna kan han thawk dun a, chhungkua kan han din dun a, zir tur a lo tam em em a. Kan duh dan ṭhenkhat paih a lo ngaia, kan kawppuite duh dan ṭhenkhat pawm (adopt) a lo ngai a. Kan chhungte duh dan thlengin pawm sak zel a lo ngai ta a. Chhungkaw tharah chuan Nunphung a lo danga, Dan thar te a lo awma. Chawhmeh siam dante, chaw ei hun te, mut hun te, thawh hun te, TV a en duh zawng etc te a lo dang ta zel mai a. Ni tinin paih leh belh (minus leh plus) nun-a nun a lo ngai ta a. Paih tur a tam in belh tur a tam bawk a. Chuvangin, ṭhenkhat an thinrim a, an phun a, thinrimna tur an zawnga. Thil ho te te ah inhnialna tur an zawng khawma. A tawpah chuan "ka haw ang, ka chhuak dawn, haw rawh, chhuak rawh" tih te hian a hmawr an bawka. Chu ve leh "MÂK or SUMCHHUAH"

He thu hi Khasi pakhatin a sawi ka hriat a ni a. Ṭawng ve thei a ni, amah erawh mihring angin hmuh thei a ni lo a. An Inah an chên tir chuan an duh duh an dila, chu ramhuai ṭawng thei chuan a pe zel ṭhin an ti. Chu ramhuai ṭawngthei-a chu an nin a, an duh tawh lo chuan chhuak turin an ti ṭhin a, mahse a chhuak duh mai mai ngai lo. An In aṭanga a chhuah dawn chuan amah avanga an thil neih zawng zawng kha an In chhung atanga lak chhuah vek a ngai ṭhin a. Amah avanga an thil neih pakhat chauh pawh In ah a awm chhung zawng chuan a chhuak duh ngai lo. Chuvangin, ramhuai kal tlanga an bungrua leh an thil ṭha nei zawng zawng chu In aṭangin an la chhuak vek anga, a tam tham deuh phei chuan Truck te hmangin ramhuai bungrua chu an phur chhuak a, ram pil ril deuvah mi kal tam lo deuhna anga an ngaihna hmun lamah te chuan an kalpui ṭhin. Ual au taka tih an hlau ve deuh tho avangin mi hriat lo turin ramhuai leh a bungruate chu an In atanga phur chhuakin ram hnuai ah chuan an va dah leh

Nimahsela tuna chuan a thi ta si a, engah nge chaw ka nghei tawh ang? Ka ko kor leh thei dawn em ni? A hnênah keimah hi ka kal ang a, nimahsela ani zawng ka hneh a lo kir leh tawh lo vang," a ti a. (2 Sam 12:23) Tehkhin thu in bul țan ila. Nu pakhat chuan a fapa thihna chungchangah Pathian a dem fova, a fapa chu pe let leh turin a țawngțai fova. A tawpah chuan Pathianin tiang hian a chhang ta a. I duh chu ka pe thei che. Mahse, ka pek hma che in he thil pakhat hi i tih ve a ngai. In tinah kal la, zawhna va zawt vek la. Nangni thihna in tawk tawh em ? In tuarna ve em ? Thihna tawk miah lo chhungkua leh tuarna miah lo chhungkua pakhat tal i hmuh chuan i dil kha ka pe ang che..tiin. Chu nu chuan In tin ah kalin mi te chu a va zawt kual taa. Thihna tawk loh leh tuarna lo chhungkua reng reng pakhat mah a hmuh chhuak zo ta lova. Hrilh haih takin a haw ta a. Chuta țang chuan Pathian hnenah a vui leh tawh ngai lo. I nu leh pa te emaw, i unaute emaw, i kawppui emaw, i fate emaw an thih

Garampani, N.C.Hills ah kan awm laiin pawisa hlui (coin) zawng ṭhinte (vai leh khasi) nikhat chu ka titi pui a. Zawhna zawh duh ka ngah khawp mai a. Kan titi na ah chuan Khasi ṭhenkhat in an Inah rul an vulh thu min hril ta a. Chu an rul vulh chu rul pangngai anga lang ni mahse rul pangngai a ni lova. setana emaw ramhuai emaw tiin sawi ta ila kan sawi sual awm love. An sawi dan chuan, chu rul chu a ṭawng thei a, a vulhtu ten an dil apiang a pe thei a. Entirnan : pawisa kan nei tawh lova, chuvangin zanin chu pawisa thingrem khat (box khat) min pe rawh an tia. Khawia pawisa nge tih hriat loh, pawisa lem ni si lo, a vulh tu ten an dil zat apiang kha a pe mai ṭhin a ni an ti. Mahse, setan hmangaihna chuan phut let a nei a. An dil apiang a pek zel ang chiah in a dil apiang an pek ve a ngai a. Chu rul chuan MIHRING aia duh a nei lo niin an sawi a. Mihring thisen a duh bera, a dil tawh chuan pek ngei ngei a ngai a. Chuvangin, hmun hrang hrangah mihring rukbo tur zawngin mi an tir ṭh

Mitthi kaihthawha an awm dawn loh chuan i eiin i in ang u hmiang, naktukah kan thi dawn alawm. (I Kor 15:32) Q1. Eng vangin nge kristian i ni ? Ans. Vanram kai ka duh a. Q2. Eng vangin nge Baptisma i chan ? Ans. Vanram kai ka duh a. Q3. Engvangin nge Isua i rin ? Ans. Vanram kai ka duh a. Kan beisei Vanram hi awm dawn lo ta se, Isua rin hian kawngro a su dawn lova, nitinna kan buaipui Lal Isua chanchin pawh hi dawt mai a ni dawn a ni. Kan rin Isua hi a awma, a nunga, thil a titheih a, min chhandam turin a rinawm tawk bawk a ni. A awmna Vanram chu ringtuten kan beisei ber leh amah kan rinchhan ber niin a lang bawka. Chu Vanram ngei mai chu thlen hlan kan nghakhlelh em ema, LALPA ngei pawh lo kal thuai thuai se tiin duhthu kan sam fo țhin ti ru ? Chu hmun thlennan chuan kan "THIH" phawt a ngai a. Chhiartu duhtak, THI TURIN I IN BUATSAIH TAWH EM ? Kan beisei ber Vanram a nih chuan kan chhungte an thih ni ah pawh lungngaia țah ai chuan thinlung takin kan in

Coimbatore aṭangin Trichy, Tamil Nadu ah keimah chauvin Train in ka kal dawn a. Bag 2 leh bedding pakhat ka nei a. A lian in a rit hlawm bawk a. Train ticket ka nei sa lova, lak chawp tur a ni. Coimbatore railway station chhungah chuan ka bag te chu ka phurh luta. Ṭhian ka nei lova, hmelhriat pawh an awm lo. Ka bag te a lian mai piah lamah an rit bawk avangin hmun khatah ka dah tawpa. Train ticket lak ka ngai bawk si. Mi lah chu an tam bawk si, thui deuh in LINE a ngai dawn bawk si. Ka buai titi ta mai a. A tawpah chuan ṬHIAN RINAWM ISUA ka nei a lawm le tiin ka ṭawngṭai ta a. "Lalpa, vawiin hian tumah ṭhian ka nei lova, min pui tu tur tumah hmelhriat pawh hetah hian ka nei lo. Trichy kalna tur Train Ticket lak ka ngai si a. Train ticket la tura ka va IN LINE chhungin nangin KA THAWMHNAW TE HI MIN LO VEN SAK ANG CHE" tiin ka dila. Ka bag te chu railway station chhung hmun pakhatah chuan ka dah a, ka kalsan tawpa. "Ka ṭawngṭai tawh a, Lalpan min lo ven sak

N.C. Hills ah rawngbawlna kan nei laiin "LU THLAWK THEI" chungchang an sawi ka hria a. Chu "Lu thlawkthei" chu hriat chian leh zual tumin zawh tur âwm deuh te ka zawt a. An sawi ka hriat dan ṭhenkhat ka rawn sawi dawn a ni. "Ramhuai zawl mihring an awma, ramhuai chuan THISEN a duh bera, thisen zawng zawngah MIHRING THISEN a dawt chak ber a. Thisen a duh hunah chuan tiang hian RAMHUAI ZAWL PA/NU chu zan lai ah a tho ṭhin a. A nghawng a chin hnuai lam chu a mutna hmun KHUMAH emaw Chhuatah emaw a mu renga, A LU ZAWNG chu a thlawk chhuak a, thisen dawt tur zawngin a thlawk kual ṭhin an ti. Chutianga mihring thisen dâwt/in tur a hmuh chuan ramhuai chuan nasa takin mal a sawm ṭhin niin a lang. Vawikhat chu Boro Kachari chhungkaw pakhat hian Isua an ringa, Kristian ah an rawn in pe ta a. An chenna tur In thar, a chhuat lei, a bang leh a chung chu "di" vek a ni a. An sak zawh chuan In neitupa chu hna thawk turin Meghalaya ah a kal a. Nu ber chu